शाहिद कपूर अभिनीत 'देवा' को गीत 'भसड मचा' सार्वजनिक

एजेन्सी, पुस २९ गते । बलिउड अभिनेता शाहिद कपूर अभिनीत फिल्म देवा को पहिलो गीत 'भसड मचा' सार्वजनिक भएको छ। जी-म्युजिक कम्पनीमार्फत सार्वजनिक यो गीतमा शाहिद कपूर र अभिनेत्री पूजा हेगडेको दमदार नृत्य देख्न सकिन्छ। गीतलाई मीका सिंह, विशाल शेखर र ज्योतिका तंगरीले आवाज दिएका छन् भने शब्द राज शेखरका हुन्। संगीत विशाल मिश्राले तयार पारेका छन्।

रोशन एंड्रयूजले निर्देशन गरेको यो फिल्ममा सिद्धार्थ राय कपूर र उमेश केआर बन्सलले लगानी गरेका छन्। शाहिद र पूजासँगै पावेल गुलाटी, प्रवेश राणा, कुब्रा सैतलगायत कलाकारले फिल्ममा अभिनय गरेका छन्। देवा यही जनवरी ३२ तारिखमा प्रदर्शनमा आउने तयारीमा छ।