बलिउडमा धम्कीको क्रम: शाहरुख खानलाई ज्यान मार्ने धम्की दिने व्यक्ति पक्राउ

एजेन्सी, कार्तिक २७ गते । हालैका दिनमा बलिउड कलाकारहरूलाई लगातार ज्यान मार्ने धम्की आइरहेका छन्। अभिनेता शाहरुख खानलाई पनि ५ नोभेम्बरमा यस्तो धम्की आएको थियो, जसका कारण मुम्बई पुलिसले तुरुन्तै कारबाही थालेको छ। प्रहरी अनुसन्धानका क्रममा आरोपीलाई छत्तीसगढबाट पक्राउ गरिएको छ र उनलाई हाल सोधपुछ भइरहेको छ।

५ नोभेम्बरमा मुम्बईको बान्द्रा पुलिस स्टेशनमा आएको एक फोन कलमा शाहरुखलाई ज्यान मार्ने धम्की दिँदै ५० लाख भारू फिरौती मागिएको थियो। छानबिनमा छत्तीसगढको रायपुरबाट फैजान नामक व्यक्तिको नम्बरबाट फोन गरिएको पत्ता लागेको छ। फैजानका अनुसार उनको फोन २ नोभेम्बरमा चोरी भएको थियो। फैजान पेशाले वकिल भएकोले प्रहरीले थप अनुसन्धान जारी राखेको छ।