धनुषामा माेटरसाइकल दुर्घटना हुँदा एकजना काे मृत्यु

जनकपुरधाम, फागुन २७ गते

धनुषामा आफै अनियन्त्रित भएर दुर्घटना हुँदा एकजना को मृत्यु भएको छ ।

धनुषाको बिदेह नगरपालिका-५ हनुमान मन्दिर नजिक सडकमा माचीबाट जनकपुरतर्फ जाँदै गरेको प्र.२-०२-००२ प १००२ नम्बरको मोटरसाइकल आफै अनियन्त्रित भई शनिबार दुर्घटना हुँदा मोटरसाइकलमा सवार हंसपुर नगरपालिका-५ सुगानिकास बस्ने ३५ वर्षीया रेनु कुमारी मण्डलको मृत्यु भएको छ ।

दुर्घटनामा गम्भीर घाइते भएकी उनको प्रादेशिक अस्पताल जनकपुरमा उपचारको क्रममा मृत्यु भएको हो ।

मोटरसाइकल चालकलाई प्रहरीले नियन्त्रणमा लिएर थप सम्बन्धमा भइरहेको जिल्ला प्रहरी कार्यालय धनुषा ले जनाएको छ ।