कटुवा पेस्तोलसहित दुई जना पक्राउ

वीरगञ्ज फागुन १० गते । प्रहरीले पर्साको बहुदरमाई नगरपालिकाबाट कटुवा पेस्तोलसहित दुई जनालाई पक्राउ गरेको छ। प्रहरीले कटुवा पेस्तोलसहित पर्साको कालिकामाई गाउँपालिका–९ कटिबलुवा बस्ने ४४ वर्षीय दीपेन्द्र गिरी र पोखरिया नगरपालिका–९ बैरियाबिर्ता बस्ने ३७ वर्षीय शिवपुजन मुखियालाई पक्राउ गरेको हो।

पर्सा प्रहरीले बुधबार राति बहुदरमाइ नगरपालिका–९ मा ना ।१२ प ४९७१ नम्बरको मोटरसाइकललाई जाँच गर्ने क्रममा मोटरसाइकलमा सवार दुबैलाई एक थान कटुवा पेस्तोलसहित पक्राउ गरेको हो। पक्राउ परेका उनीहरुको विषयमा प्रहरीले आवश्यक अनुसन्धान गरिरहेको जनाएको छ।