जनकपुरधामको छैटौँ साहित्य उत्सव: इतिहास, संस्कृति र साहित्यको संगम

जनकपुरधाम, माघ २२ गते ।  जनकपुरधामले माघ २४ देखि २६ गतेसम्म तीन दिवसीय जनकपुर साहित्य उत्सवको छैटौँ संस्करण आयोजना गर्दै आफ्नो ऐतिहासिक र सांस्कृतिक विरासतलाई नयाँ उचाइमा पु¥याउने तयारी गरेको छ। राम मन्दिर पार्कको सुन्दर परिवेशमा आयोजना हुने यस महोत्सवलाई नवमिथिला फाउन्डेसनद्वारा निर्देशित गरी सामाजिक, सांस्कृतिक, साहित्यिक र राजनीतिक बहसका विभिन्न आयामहरू समेट्ने लक्ष्य राखिएको छ। उद्घाटन समारोहमा मधेस प्रदेशका मुख्यमन्त्री सतिशकुमार सिंहलाई प्रमुख अतिथिका रूपमा स्वागत गरिने हुँदा, यसले कार्यक्रमलाई विशेष महत्त्व र आकर्षण प्रदान गर्ने अपेक्षा गरिएको छ।

उत्सवको दोस्रो दिनले जनकपुरधामका समकालीन चुनौती र अवसरहरूमा गहिरो विमर्शको शुरुवात गर्नेछ। डिजिटल युगमा पठनपाठन, क्रिकेटका समस्या तथा सम्भावित समाधान र मधेस महिमा उत्सवको व्यवसायीकरणजस्ता विषयहरूमा खुला चर्चा गरिनेछ। यसैबीच, अन्तरविद्यालय कविता प्रतियोगिता, रमाइलो सांगीतिक कार्यक्रम र गजल वाचनले दर्शकहरूमा उत्साह र सांगीतिक आनन्द बाढ्ने कार्य गर्नेछन्।

तेस्रो र अन्तिम दिनको सुरुआत अन्तरविद्यालय कथा वाचन प्रतियोगिताबाट हुने छ र त्यसपछि मधेस, आन्दोलन र साहित्य, नेपाली उद्यमीको यात्रा, आनन्दको खोजी, समाज-सिनेमा, संविधान, संघीयता र कानूनी राज्यका मुद्दाहरूमा केन्द्रित विभिन्न सत्रहरू सञ्चालन गरिनेछन्। कुलमान घिसिङको एकल प्रवचनले थप आकर्षण थप्ने आशा राखिएको छ, र अन्ततः अन्तरविद्यालय चित्रकला तथा वक्तृत्वकला प्रतियोगिता र सांगीतिक महोत्सवको माध्यमबाट उत्सवलाई सफलतापूर्वक समापन गरिनेछ। यस बहुआयामिक कार्यक्रमले जनकपुरधामलाई सांस्कृतिक र साहित्यिक मञ्चको रूपमा पुनर्जीवित गर्दै समाजका विभिन्न क्षेत्रलाई एकीकृत गर्ने महत्वपूर्ण पहलको परिचायक बन्नेछ।