महत्तरीमा तीन किलोभन्दा बढी गाँजासहित महिला पक्राउ

जनकपुरधाम, पुस १४ गते । महत्तरी जिल्लाको गौशाला नगरपालिका–४, रजखोरटोलकी ४० वर्षीया विभादेवी महतो तीन किलोभन्दा बढी प्रतिबन्धित लागुऔषध गाँजासहित पक्राउ परेकी छन्। इलाका प्रहरी कार्यालय गौशालाबाट खटिएको टोलीले शनिबार आफ्नै घरमा गाँजाको पुरिया बनाइ बिक्री-वितरण गर्दै गरेको सूचनाका आधारमा उनलाई नियन्त्रणमा लिएको हो।

जिल्ला प्रहरी कार्यालय महोत्तरीका प्रहरी नायव उपरीक्षक सन्तुलालप्रसाद जैसवारका अनुसार चेकजाँचका क्रममा कालो प्लास्टिकको झोलामा लुकाएर राखेको ३ किलो २५० ग्राम गाँजा बरामद गरिएको छ। पक्राउ परेकी महिलामाथि थप अनुसन्धान भइरहेको प्रहरीले जनाएको छ।