नेपाल प्रिमियर लिग विजेता जनकपुर बोल्ट्सको ट्रफी परेड शुरू
3 महीना पहिले प्रकाशित

जनकपुरधाम, पुस १२ गते । नेपाल प्रिमियर लिग (एनपीएल) क्रिकेटको पहिलो संस्करणका विजेता जनकपुर बोल्ट्सले आजदेखि ट्रफी परेडको सुरुवात गरेको छ। गएराति जनकपुर पुगेको टोलीले पहिलो दिन जनकपुरधामस्थित राम जानकी मन्दिरमा ट्रफी प्रदर्शन गरेको छ। त्यसपछि परेड रामानन्द चोक, पिडारी चोक, भानु चोक, जिरो माइल हुँदै रामजानकी क्रिकेट मैदानमा समापन हुनेछ।
जनकपुर बोल्ट्सले ट्रफी परेडलाई मधेश प्रदेशका अन्य जिल्लामा पनि विस्तार गर्ने योजना बनाएको छ। भोलि महोत्तरी, सप्तरी, र रौतहटमा परेड हुनेछ भने पर्सि बारा र पर्सामा कार्यक्रम आयोजना गरिनेछ। चौथो दिन सिरहा र सप्तरीमा कार्यक्रम गरी ट्रफी परेड सम्पन्न हुनेछ। पुस ६ गते सम्पन्न एनपीएलको फाइनलमा जनकपुरले सुदूरपश्चिम रोयल्सलाई पराजित गर्दै उपाधि जितेको थियो। जनकपुरले ट्रफीसहित एक करोड १० लाख रुपैयाँ नगद पुरस्कार प्राप्त गरेको छ।
कमेन्ट गर्नुहोस्
view comments