धादिङको कृष्ण भिरमा ट्रक दुर्घटना, चालक गम्भीर घाइते

काठमाडौं, मंसिर २६ गते ।  पृथ्वी राजमार्गस्थित कृष्ण भिरमा आज बिहान ट्रक दुर्घटना हुँदा चालक गम्भीर घाइते भएका छन्। मधेश प्रदेश ०३–००२ख ०३१४ नम्बरको ट्रक वीरगंजबाट काठमाडौं जाँदै गर्दा अनियन्त्रित भई सडकबाट करिब पाँच मिटर तल खसेको हो।

दुर्घटनामा बारा जिल्ला गढिमाई नगरपालिका-१५ का २८ वर्षीय चालक सुमन चौधरी गम्भीर घाइते भएको जिल्ला प्रहरी कार्यालय धादिङका सूचना अधिकारी प्रल्हाद सिलवालले जानकारी दिए। उनलाई ट्रकले च्यापेको अवस्थामा उद्धार गरी स्थानीय अस्पतालमा उपचारका लागि पठाइएको छ। ट्रकका सहचालक भने सामान्य रहेको प्रहरीले जनाएको छ।