सुदूरपश्चिम रोयल्सको सनसनीपूर्ण जितले जनकपुर बोल्ट्स अपराजित यात्रामा ब्रेक

जनकपुरधाम, मंसिर २६ गते ।  नेपाल प्रिमियर लिग (एनपीएल) क्रिकेट प्रतियोगितामा बुधबार सुदूरपश्चिम रोयल्सले जनकपुर बोल्ट्सलाई स्तब्ध पार्दै रोमाञ्चक जित हासिल गरेको छ। पहिलो ब्याटिङमा सुदूरपश्चिमले १२३ रन बनाएको थियो। जवाफमा जनकपुर बोल्ट्सको ब्याटिङ लाइनअप धराशायी भयो र टोली ५१ रनमै अलआउट भयो। यस हारसँगै अहिलेसम्म अपराजित रहँदै आएको जनकपुर बोल्ट्सको शृङ्खला समाप्त भएको छ।

दुवै टोलीले प्रतियोगितामा पाँच खेल खेलेका छन्। यी खेलमध्ये सुदूरपश्चिम रोयल्स र जनकपुर बोल्ट्स दुवैले समान चार जित र एक हारको नतिजा निकालेका छन्। यस जितले सुदूरपश्चिम रोयल्सलाई शीर्ष स्थानको होडमा बलियो बनाएको छ भने जनकपुर बोल्ट्सलाई पुनः आत्मविश्वास जुटाउन चुनौती थपिएको छ।