जनकपुर बोल्ट्सको लगातार चौथो जित, लुम्बिनी लायन्स एक रनले पराजित

जनकपुरधाम, मंसिर २३ गते । नेपाल प्रिमियर लिग (एनपीएल)को आजको पहिलो खेलमा जनकपुर बोल्ट्सले रोमाञ्चक जित हासिल गर्दै लुम्बिनी लायन्सलाई १ रनले पराजित गरेको छ। यो जितसँगै जनकपुरले प्रतियोगितामा लगातार चौथो जित दर्ता गर्यो।

जनकपुरले दिएको १३७ रनको लक्ष्य पछ्याउने क्रममा लुम्बिनीले २० ओभरमा ८ विकेट गुमाएर १३५ रन मात्र बनाउन सक्यो। लुम्बिनीका कप्तान रोहित पौडेलले ३५ रनको उत्कृष्ट इनिङ खेले भने टम मुर्सले ३१, अर्जुन साउदले २० र सन्दीप जोराले १६ रन बनाए। जनकपुरका बलर हर्ष ठाकेरले पाँच विकेट लिए भने ललित राजवंशी, किशोर महतो र शेर मल्लले समान एक विकेट झारे।

यसअघि टस हारेर ब्याटिङ गरेको जनकपुरले २० ओभरमा ९ विकेटको क्षतिमा १३६ रन बनाएको थियो। कप्तान अनिल शाहले ३९ बलमा ४५ रन बनाए। लाहिरु मिलान्थाले २४, शुभ कंसाकारले २२ र आसिफ शेखले १६ रनको योगदान गरे। लुम्बिनीका अभिशेष गौतमले ३ विकेट लिए भने रोहित पौडेल र साद बिन जाफरले समान २-२ विकेट हात पारे। लगातार चौथो हारसँगै लुम्बिनी लायन्सको खराब लय जारी छ।