रामेछापमा गाडी दुर्घटना, पाँच जनाको मृत्यु

काठमाडौँ,  मङ्सिर १४ गते।  रामेछापको गोकुलगंगा गाउँपालिका-६ सिमलडाँडामा शुक्रबार दिउँसो भएको गाडी दुर्घटनामा पाँच जनाको मृत्यु भएको छ। ना १ ज ७१२३ नम्बरको गाडी सडकबाट अनियन्त्रित भई करिब तीन सय मिटर तल खस्दा वडा नम्बर ४ का अध्यक्षसहित पाँच जनाको ज्यान गएको जिल्ला प्रहरी कार्यालय रामेछापका निमित्त प्रवक्ता विक्रम खड्काले जानकारी दिएका छन्। अरू चार जनाको पहिचान खुल्न बाँकी रहेको छ।

दुर्घटनामा तीन जना घाइते भएका छन्, जसको अवस्था मध्यम रहेको बताइएको छ। घाइतेहरूलाई उपचारका लागि जिल्ला अस्पताल मन्थली पठाइएको छ। दुर्घटनाको कारण गाडी अनियन्त्रित हुनु रहेको प्रहरीको प्रारम्भिक अनुसन्धानले देखाएको छ।