प्रहरीको नक्कली घुमुवा बनेर पैसा असुल्दै आएका व्यक्ति लागुऔषधसहित पक्राउ

जनकपुरधाम, असोज २८ गते । जिल्ला प्रहरी कार्यालय रौतहटको नाममा आफूलाई एसपीको घुमुवा सादा पोसाकको प्रहरी बताउँदै विभिन्न स्थानबाट पैसा असुल्दै आएका ३५ वर्षीय सुनिल कुमार बैठा पक्राउ परेका छन्। परोहा नगरपालिका–२ का बैठालाई इलाका प्रहरी कार्यालय गरुडाबाट खटिएको प्रहरी टोलीले आइतबार साँझ नियन्त्रणमा लिएको हो।

प्रहरीले चेकजाँच गर्दा बैठाको साथबाट २२ पोका गाँजा, २०० ग्राम नाइट्रोभेट ट्याब्लेट, एक बोतल Cocas DX, नगद १७ हजार ९३५ रुपैयाँ, मोबाइल र मोटरसाइकल बरामद भएको छ। हाल उनलाई इलाका प्रहरी कार्यालय गरुडामा राखेर थप अनुसन्धान भइरहेको जिल्ला प्रहरी कार्यालय रौतहटले जानकारी दिएको छ।