महोत्तरीमा १५० किलो गाँजासहित दुई जना पक्राउ

जलेश्वर,असोज १ गते ।  महोत्तरीको रामगोपालपुर नगरपालिका–५ बाट प्रहरीले १५० किलो गाँजासहित दुई जनालाई पक्राउ गरेको छ। पक्राउ परेका धादिङ धुनीबेँसीका ३० वर्षीय सञ्जीप खत्री र चितवन खैरेनीका १८ वर्षीय सुदीप अधिकारी पिकअप गाडीका चालक र सहचालक हुन्।

उनीहरूले त्रिपालले छोपेर १० पोका गाँजा जलेश्वरतर्फ लैजाँदै गरेको सूचना पाएपछि जिल्ला प्रहरी र इलाका प्रहरी रामगोपालपुरको संयुक्त टोलीले उनीहरूलाई पक्राउ गरेको हो। प्रहरीका अनुसार, दुवैजनामाथि थप कानूनी कारबाही प्रक्रिया अघि बढाइएको छ।