कपिलवस्तुमा बस दुर्घटना: २६ यात्रु घाइते, अस्पतालमा उपचार जारी

काठमाडौं, भदौ १० गते । कपिलवस्तुको शिवराज नगरपालिका-१ बनकसबासामा सुर्खेतबाट नारायणघाटतर्फ जाँदै गरेको बस दुर्घटनामा परेको छ। जिल्ला प्रहरी कार्यालय कपिलवस्तुका प्रहरी नायब उपरीक्षक हरिबहादुर वलीका अनुसार लु २ ख १५९८ नम्बरको बस दुर्घटनाग्रस्त हुँदा २६ जना यात्रु घाइते भएका छन्। घाइतेहरूको स्थानीय चन्द्रौटास्थित विभिन्न अस्पतालमा उपचार भइरहेको छ। प्रहरी नायब उपरीक्षक वलीका अनुसार दुर्घटनाको विस्तृत विवरण आउन अझै बाँकी छ।