सप्तरीबाट स्रोत नखुलेको करिब ११ लाख रुपैयाँसहित एकजना पक्राउ

कार्तिक १३ गते । सप्तरी प्रहरीले स्रोत नखुलेको करिब ११ लाख रुपैयाँसहित एकजनालाई पक्राउ गरेको छ।
पक्राउ पर्नेमा छिन्नमस्ता गाउँपालिका वडा नं. ३ का ३९ वर्षीय जयप्रकाश यादव रहेको जिल्ला प्रहरी कार्यालय सप्तरीले जनाएको छ।

सोमबार बिहान छिन्नमस्ता–३ स्थित विष्णुपुर–सखडा नहर सडकखण्डमा प्रहरी चेकजाँचका क्रममा मधेश प्रदेश २–०१–००१ प ०७०८ नम्बरको मोटरसाइकलमा सवार यादवको साथबाट १० लाख ९८ हजार रुपैयाँ बरामद भएको सप्तरीका प्रहरी प्रवक्ता डिएसपी ढुण्डीराज न्यौपानेले जानकारी दिए।

उनीमाथि अनुसन्धान भइरहेको जिल्ला प्रहरी कार्यालय सप्तरीले जनाएको छ।