सुनको मूल्यमा ठूलो गिरावट, चाँदी पनि सस्तो

काठमाडौं, कार्तिक २० गते ।  स्थानीय बजारमा आज सुनको मूल्यमा प्रतितोला रु दुई हजार आठ सयको गिरावट आएको छ। नेपाल सुनचाँदी व्यवसायी महासङ्घका अनुसार, आज छापावाला सुनको मूल्य प्रतितोला रु एक लाख ६८ हजार दुई सय निर्धारण गरिएको छ, जबकि यसअघि कात्तिक १५ गते यो प्रतितोला रु एक लाख ७१ हजारमा कारोबार भएको थियो।

सुनसँगै चाँदीको मूल्य पनि घटेको छ। महासङ्घले आज चाँदीको मूल्य प्रतितोला रु दुई हजार ३० तोकेको छ, जुन यसअघि रु दुई हजार ९० मा कारोबार भएको थियो।