भारी वर्षाबीच सामान्य विवाद, छोटू यादवले हर्ष सिंहको कनपटीमा गोली हाने

एजेन्सी, बैशाख १७ गते ।  सिवानमा सामान्य सवारी ठोक्किने घटनाबाट सुरु भएको विवादले भयावह रूप लिँदा एक युवकको ज्यान गएको छ। आंदर ढाला ओभरब्रिज नजिक भएको घटनामा हर्ष कुमार सिंहलाई कनपटीमा गोली लाग्दा घटनास्थलमै मृत्यु भएको हो। उनका बुवा चन्दन सिंह गम्भीर घाइते भएका छन् र पटना अस्पतालमा उपचार भइरहेको छ। प्रत्यक्षदर्शीका अनुसार सवारी साधनबीच सामान्य ठक्करपछि भएको भनाभन केही समयमै झगडामा परिणत भई अन्धाधुन्ध गोली चलाइएको थियो। घटनाको भिडियोसमेत सार्वजनिक भएको छ, जसमा आरोपी निर्भीक रूपमा गोली चलाउँदै गरेको देखिन्छ।

घटनापछि प्रहरी सक्रिय हुँदै मुख्य आरोपी छोटू यादवलाई पहिचान गरी बिहीबार बिहान मुठभेडपछि पक्राउ गरेको छ। पक्राउका क्रममा आरोपीले प्रहरीमाथि समेत गोली चलाएपछि जवाफी कारबाहीमा उनको खुट्टामा गोली लागेको छ र हाल उनी प्रहरी निगरानीमै अस्पतालमा उपचाररत छन्। प्रारम्भिक अनुसन्धानअनुसार सडकमा साइड दिने विषयमा विवाद चर्किएको थियो, जसमा अन्य व्यक्तिहरू पनि संलग्न रहेको खुलेको छ। प्रहरीले विशेष टोली गठन गरी बाँकी आरोपीहरूको खोजी कार्य तीव्र बनाएको जनाएको छ।