लखनऊमा बाबुको हत्या आरोपमा छोरा पक्राउ, शव टुक्र्याएर ड्रममा लुकाएको खुलासा

एजेन्सी, फाल्गुन १२ गते । लखनऊ मा अत्यन्तै दर्दनाक हत्या घटना सार्वजनिक भएको छ। फागुन ८ (२० फेब्रुअरी) देखि बेपत्ता रहेका मदिरा तथा औषधि व्यवसायी मानवेंद्र सिंह (४९) को शव आफ्नै घरभित्र निलो ड्रममा फेला परेपछि प्रहरीले उनका २१ वर्षीय छोरा अक्षत प्रताप सिंहलाई पक्राउ गरेको हो। प्रहरीका अनुसार प्रतिस्पर्धात्मक परीक्षाको तयारीलाई लिएर बाबु–छोराबीच विवाद भएपछि आरोपीले राइफल प्रयोग गरी गोली हानी हत्या गरेको प्रारम्भिक अनुसन्धानबाट खुलेको छ। घटनापछि शव लुकाउन प्रयास गरिएको र केही अंग बाहिर फालिएको समेत प्रहरीले जनाएको छ।

आशियाना थाना क्षेत्रमा दर्ता भएको बेपत्ता मुद्दाको अनुसन्धानका क्रममा आरोपीसँग गरिएको सोधपुछमा हत्या स्वीकार गरिएको प्रहरीले बताएको छ। हत्या पश्चात् शवलाई माथिल्लो तलाबाट तल ल्याई टुक्र्याएर ड्रममा लुकाइएको तथा प्रमाण नष्ट गर्ने प्रयास गरिएको प्रारम्भिक निष्कर्ष छ। घटनास्थलमा फरेन्सिक टोली परिचालन गरी प्रमाण संकलन भइरहेको छ भने शवका बाँकी भागको खोजी जारी रहेको प्रहरीले जनाएको छ। उत्तर प्रदेश प्रहरीका अनुसार आरोपीमाथि आवश्यक कानुनी प्रक्रिया अघि बढाइएको छ र घटनाबारे थप अनुसन्धान भइरहेको छ।