धुरन्धर २’को बक्स अफिसमा धमाका—१५०० करोड क्लबमा चौथो स्थान

एजेन्सी, २० वैशाख गते। बलिउड फिल्म धुरन्धरः द रिभेन्ज (‘धुरन्धर २’) ले विश्वव्यापी बक्स अफिसमा १५०० करोड भारूभन्दा बढी कमाइ गर्दै उल्लेखनीय सफलता हासिल गरेको छ। रणवीर सिंह अभिनीत यस फिल्मले छोटो समयमै दर्शकबाट सकारात्मक प्रतिक्रिया बटुल्दै घरेलु र अन्तर्राष्ट्रिय दुवै बजारमा बलियो उपस्थिति जनाएको हो। जियो स्टुडिओका अनुसार भारतमा फिल्मको ग्रस कमाइ ११३४ करोड भारू पुगेको छ भने विदेशबाट ३६७ करोड कमाउँदै कुल विश्वव्यापी आम्दानी १५०१ करोड भारू नाघेको छ।

यससँगै ‘धुरन्धर २’ १५०० करोड क्लबमा प्रवेश गर्ने चौथो भारतीय फिल्म बनेको छ भने बलिउडतर्फ दंगलपछि यो उपलब्धि हासिल गर्ने दोस्रो फिल्म हो। विश्वव्यापी कमाइका हिसाबले भने दंगल (२०७० करोड), बाहुबली २ (१७८८ करोड) र पुष्पा २ (१७४२ करोड) अझै अगाडि छन्। आदित्य धरद्वारा निर्देशित यस फिल्मले नेपालमा पनि १२ करोड नेरूभन्दा बढी कमाइ गरेको छ, जसले यसको क्षेत्रीय लोकप्रियता समेत पुष्टि गरेको छ।