आजदेखि कक्षा १२ को परीक्षा सुरु, ४ लाखभन्दा बढी विद्यार्थी सहभागी

जनकपुरधाम, बैशाख १४ गते ।  कक्षा १२ को परीक्षा आजदेखि देशभर सुरु हुँदैछ। यस वर्ष ४ लाख १८ हजार ८ जना परीक्षार्थी परीक्षामा सहभागी हुँदैछन्। राष्ट्रिय परीक्षा बोर्डले परीक्षा सम्पन्न भएको करिब डेढ महिनाभित्र नतिजा सार्वजनिक गर्ने तयारी गरिएको जनाएको छ।

आज बिहान ८ बजेदेखि ११ बजेसम्म देशभर एकसाथ परीक्षा सञ्चालन हुने छ। बोर्डले सबै परीक्षार्थीलाई परीक्षा सुरु हुनुभन्दा कम्तिमा आधा घण्टा अगाडि नै परीक्षा केन्द्रमा पुग्न अनुरोध गरेको छ।