खेसारी लाल यादव र आकांक्षा पुरीको नयाँ भोजपुरी गीत ‘लईका नियन राजा करस’ धमाका

एजेन्सी, बैशाख ९ गते । भोजपुरी स्टार खेसारी लाल यादव र अभिनेत्री आकांक्षा पुरीको नयाँ गीत ‘लईका नियन राजा करस’ रिलिज भएको छ। रिलिज भएको १४ घण्टामै यसले ५.७ लाखभन्दा बढी भ्यूज पाइसकेको छ। गानामा खेसारी र आकांक्षाको तडक–भडक रोम्यान्टिक केमिस्ट्री देख्न सकिन्छ, जसले दर्शकलाई निकै आकर्षित गरेको छ। किचनदेखि बेडरूमसम्मको रोमान्सले भिडियोमा आगजनी माहोल बनाएको छ।

गीतलाई खेसारीले आफैं गाएका हुन् भने संगीत आर्य शर्माले दिएका छन्। बोल रोहित सिंहले लेखेका हुन् र निर्देशन पवन लालले गरेका छन्। फ्यानहरूले कमेन्टमा ‘आग लगाइदियो’, ‘मूड बनाइदियो’ जस्ता प्रतिक्रिया दिएका छन्। खेसारीका यसअघि पनि ‘नींबू खरबूजा भईल 2’, ‘ले ले आई कोका कोला’ जस्ता गीतहरू युट्युबमा करोडौं भ्यूज पाइसकेका छन्। नयाँ गीतले पनि त्यस्तै तहल्का मच्चाउने संकेत देखिएको छ।