‘धुरंधर: द रिवेंज’को बक्स अफिसमा धमाका, १२०० करोड पार गर्दै ‘बाहुबली २’को रेकर्ड नजिक

एजेन्सी, चैत्र १५ गते ।  निर्देशक Aditya Dhar को फिल्म Dhurandhar: The Revenge ले रिलिजपछि बक्स अफिसमा जबरजस्त सफलता हासिल गर्दै विश्वव्यापी कमाइ १२०० करोड रुपैयाँ पार गरेको छ। Ranveer Singh अभिनित यो फिल्म १९ मार्चमा प्रदर्शनमा आएको हो र यसको कमाइ निरन्तर उकालो लागिरहेको छ। फिल्मले उत्तर अमेरिकी बक्स अफिसमा पनि नयाँ कीर्तिमानतर्फ अघि बढ्दै Baahubali 2: The Conclusion को पुरानो रेकर्डलाई चुनौती दिएको छ।

दक्षिण भारतीय फिल्म उद्योगका निर्माता Shobu Yarlagadda ले समेत फिल्मको प्रशंसा गर्दै नयाँ मापदण्ड स्थापित गरेको बताएका छन्। रिपोर्टअनुसार ‘धुरंधर: द रिवेंज’ले उत्तर अमेरिकामा करिब १९.३३ मिलियन डलर (करिब १८३ करोड रुपैयाँ) कमाइ गरेको छ र चाँडै ‘बाहुबली २’को रेकर्ड तोड्ने अनुमान गरिएको छ। वास्तविक घटनाबाट प्रेरित कथामा आधारित यस फिल्ममा रणवीर सिंहसँगै अर्जुन रामपाल, संजय दत्त र आर माधवनलगायत कलाकारहरूको अभिनय रहेको छ। २०२६ कै सर्वाधिक कमाइ गर्ने भारतीय फिल्म बन्ने दिशामा अघि बढिरहेको यो फिल्मले दर्शकको व्यापक साथ पाएको छ।