साध्वीबाट फेरि ग्ल्यामरमा फर्किइन् ममता कुलकर्णी, गोवा यात्राले उठायो प्रश्न

एजेन्सी, चैत्र ५ गते । एक समय बलिउडमा चर्चित अभिनेत्री रहेकी ममता कुलकर्णी पछिल्लो समय फरक अवतारका कारण चर्चामा थिइन्। महाकुम्भ मा साध्वीको रूपमा देखिएकी उनी अहिले भने पुरानै ग्ल्यामर लुकमा फर्किएर गोवा यात्रामा निस्किएकी छन्। सामाजिक सञ्जालमा सार्वजनिक भएका भिडियोहरूमा उनी साथीहरूसँग रमाइलो गर्दै देखिएकी छन्, जसले धेरैलाई आश्चर्यमा पारेको छ।

गोवाबाट उनले साझा गरेका भिडियोमा उनी भगवा वस्त्रबिनै पुरानै शैलीमा देखिएकी छन्। यसले सामाजिक सञ्जालमा मिश्रित प्रतिक्रिया जन्माएको छ—केहीले उनको जीवनशैलीप्रति प्रश्न उठाएका छन् भने केहीले व्यक्तिगत स्वतन्त्रताको सम्मान गर्नुपर्ने बताएका छन्। यसअघि उनले आध्यात्मिक जीवन अपनाएको र गुरुबाट दीक्षा लिएको दाबी गर्दै आएकी थिइन्, तर अहिलेको यो परिवर्तनले फेरि उनी चर्चाको केन्द्रमा आएकी छन्।