राजपाल यादव तिहाड़ जेलमा सरेण्डर : सोनू सूदले गरे सहयोगको घोषणा

एजेन्सी, माघ २७ गते । पुरानो चेक बाउन्स केसमा फसे बलिउड अभिनेता राजपाल यादवले दिल्लीको तिहाड़ जेलमा सरेण्डर गरेका छन्। सरेण्डर गर्नुअघि उनी निकै भावुक भएका थिए र प्रहरी अधिकारीहरूसँग भनेका थिए, “सर, के गरौं ? मसँग पैसा छैन। अर्को कुनै बाटो देखिँदैन, यहाँ सब एक्लै हुन्छन्, कुनै साथी हुँदैन। यो मुश्किलबाट मलाई आफैं गुजर्नुपर्छ।” सन् २०१० मा फिल्म ‘अता पता लापता’ निर्माणका लागि ५ करोड रुपैयाँ ऋण लिएका राजपालले फिल्म फ्लप भएपछि रकम तिर्न नसकेपछि चेक बाउन्स भएको थियो। यस मुद्दामा पटक–पटक अदालतले मौका दिए पनि उनीले भुक्तानी गर्न सकेनन्। जनवरी २०२६ मा अदालतले अन्तिम मौका दिँदै फेब्रुअरी ४ मा सरेण्डर गर्न आदेश दिएको थियो। यसअघि सन् २०१३ मा पनि उनी ४ दिन जेल बसेका थिए।

राजपालको यो अवस्थापछि बलिउडका ‘रियल हीरो’ सोनू सूदले सामाजिक सञ्जालमा आवाज उठाएका छन्। सोनूले ट्वीट गर्दै लेखेका छन्, “राजपाल यादव एक प्रतिभाशाली अभिनेता हुन् जसले वर्षौंसम्म हाम्रो इन्डस्ट्रीलाई यादगार भूमिका दिए। कहिलेकाहीँ जीवन अन्यायपूर्ण हुन्छ, प्रतिभाका कारण होइन, समय खराब भएकाले। उनी मेरो फिल्मको हिस्सा हुनेछन् र यो हामी सबैका लागि – प्रोड्युसर, निर्देशक र सहकर्मीहरूका लागि एकजुट हुने समय हो।” उनले थपे, “यो दान होइन, सम्मान हो। जब हाम्रो इन्डस्ट्रीका सदस्य कठिन समयबाट गुज्रिरहेका हुन्छन् भने हामीले उनलाई एक्लो छैनन् भन्ने सम्झाउनुपर्छ। यसले हामी एउटा इन्डस्ट्रीभन्दा बढी हौं भन्ने प्रमाणित गर्छ।” सोनूको यो कदमपछि सोसल मिडियामा धेरैले उनलाई धन्यवाद दिएका छन् र राजपाललाई इन्डस्ट्रीबाट पूर्ण समर्थन मिल्ने अपेक्षा गरिएको छ।