साधु-सन्तहरूको विरोधपछि मथुरामा सनी लियोनको नयाँ वर्ष कार्यक्रम रद्द

एजेन्सी, पुष १५ गते ।  भगवान श्रीकृष्णको पवित्र जन्मभूमि मथुरामा नयाँ वर्ष २०२६ को अवसरमा बॉलीवुड अभिनेत्री सनी लियोनको प्रस्तावित डान्स तथा डीजे कार्यक्रमलाई लिएर ठूलो विवाद उत्पन्न भएको थियो। श्रीकृष्ण जन्मभूमि मन्दिरका मुख्य याचिकाकर्ता दिनेश फलाहारी महाराजको नेतृत्वमा साधु-सन्तहरूले कार्यक्रमको कडा विरोध गर्दै जिल्लाधिकारीलाई पत्र लेखेर तत्काल रद्द गर्न माग गरेका थिए। उनीहरूको भनाइ थियो कि यस्तो कार्यक्रम ब्रजभूमिको धार्मिक मर्यादा, संस्कृति र आध्यात्मिक गरिमाविपरीत छ, जसले लाखौं भक्तजनहरूको भावनामा ठेस पुग्नेछ।

विरोध बढ्दै गएपछि आयोजकहरूले सन्तहरूको भावना र ब्रज क्षेत्रको सांस्कृतिक परम्पराको सम्मान गर्दै जनवरी १ मा हुने भनिएको कार्यक्रम रद्द गरेको घोषणा गरेका छन्। कार्यक्रम होटल ललिता ग्राण्ड र होटल द ट्र्याकद्वारा आयोजना गरिएको थियो। सन्तहरूले यसलाई पवित्र भूमिमा अश्लीलता फैलाउने प्रयास भनेका थिए। यो घटनाले धार्मिक नगरीमा यस्ता कार्यक्रमहरूको सीमाबारे फेरि बहस छेडेको छ।