एसईई पूरक परीक्षा साउन २९ देखि, बिहान ८ बजेदेखि सञ्चालन हुने

काठमाडौं, असार १५ गते । राष्ट्रिय परीक्षा बोर्डको परीक्षा नियन्त्रण कार्यालय (कक्षा १०)ले माध्यमिक शिक्षा परीक्षा (एसईई)को पूरक परीक्षा साउन २९ देखि भदौ ६ गतेसम्म सञ्चालन हुने जानकारी दिएको छ। परीक्षा हरेक दिन बिहान ८ बजेदेखि ११ बजेसम्म सञ्चालन हुनेछ।

गत शुक्रबार सार्वजनिक भएको २०८१ सालको एसईई नतिजामा १ लाख ६७ हजार ५९७ विद्यार्थी ननग्रेड भएका छन्। ग्रेड प्राप्त गर्न नसकेका वा परीक्षा दिन अनुपस्थित भएका सबै परीक्षार्थीलाई पूरक परीक्षामा सहभागी हुने अवसर दिइने बोर्डले जनाएको छ।