महोत्तरीको जलेश्वर कारागारमा एक कैदीको मृत्यु

असार १० गते । महोत्तरीको जलेश्वर कारागारमा एक कैदीको मृत्यु भएको छ।

मृत्यु हुनेमा महोत्तरीकै लोहारपट्टी नगरपालिका–१ का ८० वर्षीय राजकरण यादव रहेका छन् ।

कर्तव्य ज्यान मुद्दामा २० वर्ष कैद सजाय भोग्दै गरेका यादवको आज बिहान मृत्युु भएको जिल्ला प्रहरी कार्यालयका प्रहरी नायब उपरीक्षक प्रकाश विष्टले जानकारी दिए।

बिहान २ बजे एक्कासी बेहोस भएका उनलाई उपचारका लागि तत्काल प्रादेशिक अस्पताल जलेश्वर लगिएकामा चिकित्सकले उनलाई मृत घोषणा गरेको प्रहरीले जनाएको छ।

यादवको शव परीक्षणका लागि सोही अस्पतालमा राखिएको बताइएको छ।