‘हनुमान अंश’को टोलीले मुख्यमन्त्री योगी आदित्यनाथसँग भेट्यो

एजेन्सी, भाद्र २४ गते । लखनऊमा फिल्म ‘हनुमान अंश’ को टोलीले उत्तर प्रदेशका मुख्यमन्त्री योगी आदित्यनाथसँग शिष्टाचार भेट गरेको छ। निर्माता, निर्देशक तथा प्रमुख कलाकार सहभागी भेटमा निर्देशक विशाल चतुर्वेदी र मुख्य अभिनेता शोभिनवले फिल्मको विषयवस्तु तथा आध्यात्मिक पृष्ठभूमिबारे जानकारी गराएका थिए। टोलीले नाथ सम्प्रदाय र गुरु गोरखनाथसँग सम्बन्धित फिल्मका महत्वपूर्ण दृश्यसमेत मुख्यमन्त्रीलाई देखाएको थियो।

निर्देशक चतुर्वेदीका अनुसार फिल्ममा बाबा नीब करौरी र नाथ सम्प्रदायका सिद्ध सन्तबीचका ऐतिहासिक भेटघाटलाई विशेष रूपमा प्रस्तुत गरिएको छ। बाबा नीब करौरीको जीवन र हनुमान भक्तिमा आधारित कम बजेटको यो फिल्मले दर्शकबाट राम्रो प्रतिक्रिया पाइरहेको निर्माण पक्षले जनाएको छ। मुख्यमन्त्री योगीले फिल्म निर्माणमा संलग्न सबैको प्रयासको प्रशंसा गर्दै सफलताको शुभकामना दिएका छन्।