बिहार एमएलसी चुनावः ९ सिटका लागि तीव्र राजनीतिक गणित, गठबन्धनमा ‘तोडफोड’को आशंका

एजेन्सी, २० वैशाख गते। आगामी बिहार विधान परिषद (एमएलसी) चुनावमा ९ सिटका लागि राजनीतिक सरगर्मी तीव्र बनेको छ। राष्ट्रीय जनता दल (राजद) का दुई वर्तमान सदस्य मोहम्मद फारुक र सुनील कुमार सिंहको कार्यकाल समाप्त हुँदै गर्दा पार्टीलाई आफ्नो सिट जोगाउनै चुनौती देखिएको छ। उपलब्ध संख्याअनुसार एक सिट जित्न करिब २५ विधायक आवश्यक पर्ने हुँदा राजदसँग एक सिट मात्र सुरक्षित गर्ने गणित देखिएको छ, बाँकी १६ विपक्षी विधायकहरूको भूमिकाले चुनावको दिशा बदल्न सक्ने अनुमान गरिएको छ।

यता एनडीए ले ८ सिटमा जित सुनिश्चित गर्ने रणनीतिमा रहेको बताइएको छ। गठबन्धनभित्र सिट बाँडफाँडअनुसार जनता दल (युनाइटेड) र भारतीय जनता पार्टी लाई तीन–तीन सिट, लोक जनशक्ति पार्टी र राष्ट्रीय लोक मोर्चा लाई एक–एक सिट मिल्ने सम्भावना छ। नवौँ सिटका लागि भने ‘क्रस–भोटिङ’, बगावत वा रणनीतिक समीकरणमार्फत अप्रत्याशित परिणाम आउने अड्कलहरू तीव्र बनेका छन्। राजनीति अनिश्चितताको खेल भएकाले अन्तिम नतिजासम्म समीकरण बदलिन सक्ने देखिन्छ।