‘अख्तियार प्रधानमन्त्री मातहतको संस्था होइन, बोलाउँदैमा पदाधिकारी जानु हुँदैन’ : अमरेश सिंह

काठमाडौं, भाद्र ४ गते । राष्ट्रिय स्वतन्त्र पार्टी (रास्वपा)का सांसद अमरेशकुमार सिंहले अख्तियार दुरुपयोग अनुसन्धान आयोग प्रधानमन्त्रीको मातहतको संस्था नभएको बताएका छन्। बिहीबार संसद्को राज्य व्यवस्था तथा सुशासन समितिको बैठकमा बोल्दै उनले प्रधानमन्त्रीले बोलाउँदैमा अख्तियारका पदाधिकारी जान नहुने धारणा राखे।

सिंहले अख्तियार संवैधानिक निकाय भएकाले यसको संस्थागत स्वतन्त्रता र स्वायत्तता कायम राख्नुपर्ने बताए। उनले सरकारका कामकारबाहीमा निगरानी, नियन्त्रण र सन्तुलन कायम गर्ने आयोगको मर्यादा तथा भूमिकामा असर पर्ने गतिविधि हुन नहुनेमा जोड दिए।

उनको यो भनाइ गत असारको पहिलो साता अख्तियारका सबै पदाधिकारी प्रधानमन्त्री कार्यालय पुगेको घटनाको सन्दर्भमा आएको हो। उक्त क्रममा प्रधानमन्त्री वालेन्द्र शाहका सहयोगीहरूले अख्तियारका पदाधिकारीलाई लामो समय राखेर सोधपुछ गरेको दाबी सार्वजनिक भएपछि आयोगको स्वतन्त्रताबारे प्रश्न उठेको थियो।

सांसद सिंहले उक्त घटनाले अख्तियारमाथि कार्यपालिका प्रभावको आशंका उत्पन्न गर्न सक्ने भन्दै सरकार तथा सम्बन्धित निकायको ध्यानाकर्षण गराएका छन्।