कांग्रेसद्वारा सांसदहरूसँग संसदीय मामिलाबारे छलफल

काठमाडौं, जेठ ३ गते । नेपाली कांग्रेसले आज आफ्ना सांसदहरूसँग संसदीय मामिलासम्बन्धी छलफल गरेको छ। कांग्रेस संसदीय मामिला सहजीकरण समितिको आयोजनामा भएको उक्त छलफलमा प्रतिनिधि सभा र राष्ट्रिय सभाका सांसदहरूको सहभागिता रहेको थियो।

केन्द्रीय सदस्य राजेन्द्रकुमार केसीको संयोजकत्वमा रहेको उक्त समितिले सांसदहरूलाई संसदीय अभ्यास, भूमिका र समन्वयसम्बन्धी विषयमा छलफल गरेको हो। छलफल कार्यक्रममा केन्द्रीय सदस्य गोविन्दराज पोखरेलले प्रस्तुति दिएका थिए।

कांग्रेसले यसअघि पनि आफ्ना सांसदहरूलाई संसदीय कार्यसम्पादनबारे अभिमुखीकरण तथा प्रशिक्षण कार्यक्रम सञ्चालन गर्दै आएको छ।