विद्यार्थी र कर्मचारी संगठन ‘स्लिपर सेल’ बनेको प्रधानमन्त्री बालेन्द्र शाहको आरोप

काठमाडौं, बैशाख २२ गते ।  काठमाडौंमा प्रधानमन्त्री Balendra Shah ले विद्यार्थी र कर्मचारी संगठनहरू पेशागत भूमिकाभन्दा बाहिर गएर राजनीतिक दलका ‘स्लिपर सेल’का रूपमा काम गरिरहेको आरोप लगाएका छन्। मंगलबार सामाजिक सञ्जालमार्फत धारणा सार्वजनिक गर्दै उनले योग्यताभन्दा पहुँच र क्षमताभन्दा दलगत झोला–झण्डाको प्रभाव बढ्दै जाँदा राज्य प्रणालीप्रति जनविश्वास कमजोर भएको उल्लेख गरेका छन्।

प्रधानमन्त्री शाहका अनुसार यही अवस्थालाई सुधार गर्न शिक्षालयमा दलका झण्डा र कर्मचारीतन्त्रमा दलगत झोला निषेध गर्नुपर्ने आवश्यकता देखिएको हो। उनले प्रस्तावित व्यवस्था कसैको अधिकार खोस्ने नभई पेशागत स्वतन्त्रता र संस्थागत प्रणाली मजबुत बनाउने उद्देश्यले ल्याइएको स्पष्ट पारे। साथै अब नियुक्ति, सरुवा र बढुवामा दलगत निकटता होइन, विधि, क्षमता र दक्षतालाई आधार बनाइने उनले बताएका छन्।