बाराको प्रसौनीमा पानी उद्योगका कर्मचारीको घाँटी रेटेर हत्या

जनकपुरधाम,मंसिर १२ गते । प्रसौनी गाउँपालिका–६, भलुहीस्थित एक पानी उद्योगमा कार्यरत ४२ वर्षीय कर्मचारी रामकिशोर सिंहको घाँटी रेटेर हत्या भएको छ । सर्लाहीको धनकौल गाउँपालिकाका स्थायी बासिन्दा सिंह लामो समयदेखि उद्योगमै बस्दै आएका थिए । बिहीबार बिहान करिब ८ बजेतिर घटनाको सूचना प्राप्त भएपछि जिल्ला प्रहरी कार्यालय बाराको टोली घटनास्थल पुगेर शव फेला पारेको छ । प्रहरीले हत्याको कारण र दोषीहरूको खोजीमा अनुसन्धान सुरु गरेको छ ।

जिल्ला प्रहरी कार्यालय बाराका प्रवक्ता विजय पण्डितका अनुसार, सिंहको शव उद्योग परिसरमा घाँटी रेटिएको अवस्थामा भेटिएको थियो । घटनास्थललाई घेरा हालेर प्रमाण सङ्कलन गरिएको छ । प्रहरीले हत्यामा संलग्न व्यक्तिहरूको पहिचान गर्न स्थानीय बासिन्दा र उद्योगका अन्य कर्मचारीहरूसँग सोधपुछ गरिरहेको छ । यो घटनाले स्थानीय क्षेत्रमा त्रास फैलिएको छ ।