विवाहपञ्चमी अवसरमा जनकपुरधामका विद्यालय तीन दिन बन्द

जनकपुरधाम, मंसिर ७ गते । जनकपुरधाम उपमहानगरपालिकाले आगामी विवाहपञ्चमी महोत्सवलाई ध्यानमा राख्दै उपमहानगरभित्रका सबै सामुदायिक तथा संस्थागत विद्यालय तीन दिनका लागि बन्द गर्ने निर्णय गरेको छ। उपमहानगरले जारी गरेको सूचनाअनुसार मिति २०८२/०८/०८ देखि २०८२/०८/१० सम्म नियमित पठन–पाठन बन्द रहनेछ।

मर्यादा पुरुषोत्तम भगवान् श्रीराम र माता जानकीको शुभविवाह पर्वको अवसरमा जनकपुरधाममा प्रत्येक वर्षजस्तै यस वर्ष पनि ठूलो संख्यामा भक्तजन आउने भएकाले सवारी, शौचालय तथा पिउने पानीको व्यवस्थापनमा विद्यालय तथा समुदायको सहयोग आवश्यक पर्ने उल्लेख गरिएको छ।
शिक्षा, युवा तथा खेलकुद विकास शाखाकी शाखा प्रमुख अञ्जु पाण्डेयद्वारा जारी सूचनामा भक्तजनहरूको व्यवस्थापनमा सहकार्य गर्न सबैलाई अनुरोध गरिएको छ।