जनकपुरधामका चिकित्सक डा. विलोक मिश्रको निधन

जनकपुरधाम, कार्तिक २१ गते । जनकपुरधामका युवा चिकित्सक डा. विलोक मिश्रको बिहीवार  निधन भएको छ। परिवारका सदस्यका अनुसार ३४ वर्षीय मिश्र सोमबार राति जनकपुरधाम–४ सरस्वतीनगरस्थित आफ्नै निवासमा नुहाउने क्रममा बाथरुममा लडेका थिए। टाउकोमा गम्भीर चोट लागेका उनलाई प्रारम्भिक उपचारपछि जनकपुरधामबाट थप उपचारका लागि काठमाडौं लगिएको थियो।

काठमाडौंको नर्भिक अस्पतालमा उपचार भइरहेको अवस्थामा बिहीवार उनको मृत्यु भएको परिवारजनले पुष्टि गरेका छन्। जनकपुरधामको बसहिया रोडमा सञ्चालनमा आएको सोनासती अस्पतालका सञ्चालक अनिल मिश्रका कान्छा छोरा रहेका डा. मिश्र सोही अस्पतालमा चिकित्सकका रूपमा कार्यरत थिए। स्थानीय चिकित्सक र समुदायले उनको असामयिक निधनप्रति गहिरो दुःख व्यक्त गरेका छन्।