राराब क्याम्पस प्राध्यापक संघको होली मिलन कार्यक्रम सम्पन्न

जनकपुरधाम, फागुन २८ गते । त्रिभुवन विश्वविधालय प्राध्यापक संघ राराब क्याम्पस इकाई जनकपुरले आज होली मिलन कार्यक्रम सम्पन्न गरेको छ । इकाईका सभापति मुक्तिनाथ साहको अध्यक्षतामा सम्पन्न भएको उक्त कार्यक्रममा क्याम्पसका प्राध्यापकहरु एक–आपसमा अबिर लगाई शुभकामना आदान प्रदान गरेका थिए ।

होली मिलन संगै बिदाई कार्यक्रम समेत रहेकोले लामो समय राराब क्याम्पसमा आफनो योगदान पुर्याउनु भएका तथ्यांक शास्त्रका सह प्राध्यापक चन्द्र नारायण गोहिवार , नेपालीका सह प्राध्यापक चन्देश्वर लाल कर्ण , मैथिली बिमलचन्द्र झा संगै वनस्पति शास्त्रका अल्का झा लाई दोसल्ला, प्रमाण पत्र , जानकी मन्दिरको प्रतिमा रहेको मायाको चिनो संगै छाता ओढाई बिदाई समेत गरिएको थियो ।

उक्त बिदाई कार्यक्रमा विभिन्न प्राध्यापकहरुले शुभकामना ब्यक्त गरेका थिए । उप प्राध्यापक तथा प्राध्यपक संघका उप सभापति रुपेश कुमार सिंहले स्वागत मन्तब्य ब्यक्त गरेका थिए भने कार्यक्रमको संचालन इकाईका सचिव उप प्राध्यापक डा. शिवेन्द्र लाभ कर्णले गरेका थिए ।