पछिल्लो २४ घण्टामा ४ सय ३० कोरोना सङ्क्रमित थपिए , कुल सङ्क्रमितको सङ्ख्या २ लाख ६५ हजार भन्दा बढी

२८ पुस , २०७७

पछिल्लो २४ घण्टामा नेपालमा थप चार सय ३० जनामा कोरोना भाइरसको सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार मङ्गलबार थपिएकासँगै कुल सङ्क्रमितको सङ्ख्या दुई लाख ६५ हजार ६ सय ९८ पुगेको छ ।

त्यस्तै पछिल्लो २४ घण्टामा पाँच जनाको ज्यान गएसँगै कोरोना सङ्क्रमणका कारण ज्यान गुमाउनेको सङ्ख्या १९ सय ३२ पुगेको छ ।

गएको २४ घण्टामा तीन सय ९० जना कोरोना सङ्क्रमणबाट मुक्त भएका छन् । कोरोना निको हुनेको सङ्ख्या पनि दुई लाख ५९ हजार तीन सय ५८ पुगेको छ ।